Back سلام باريس (1783) Arabic Tractat de Versalles (1783) Catalan Versailleská smlouva (1783) Czech Peace of Paris (1783) English Traité de Versailles (1783) French पेरिस की शांति (1783) Hindi Pace di Parigi (1783) Italian ヴェルサイユ条約 (1783年) Japanese Tractat de Versalhas de 1783 Occitan Tratados de Versalhes (1783) Portuguese
Tale nomizita kontrato di Versailles de 1783, anke konocata kom paco di Paris di 1783 esis serio di kontrati qui finis Usana nedependo-milito. Ye la 3ma di septembro 1783, reprezentanti di lora rejulo George la 3ma de Britania signatis du kontrati en Versailles-palaco ed 1 en Paris. L'antea dio, signatesis prepariva kontrato kun reprezentanti de Nederlandana republiko. Tamen, la kontrato definitiva qua finis la Quaresma milito Angla-Nederlandana signatesis erste ye la 20ma di mayo 1784.
La kontrato establisis ke Britaniana imperio perdus lua 13 Kolonii en Nord-Amerika, qui nedependanteskis por formacar l'Unionita Stati di Amerika (Usa). Usa ganis plu kam ol expektis, nam li ganis teritorii weste de la kolonii. L'altra federiti di Usa ne ganis tante, exemple Francia venjis lua vinkeso dum Sep-yara milito ma ganis poka teritorii - nur insulo Tobago, Senegal, e kelka teritorii en India. Tamen, ol duris havar financala problemi, nam la lando bezonis pruntar pekunio por spensar en la milito, e la financala dizastro duktis a krizo qua efektigos Franca revoluciono dum la fino di la yardeko. Altralatere, Nederlandani ne ganis multe pos la milito, e Hispani itere prenis kontrolo di Minorka e Florida, ma Gibraltar restis Britaniana teritorio.